{{sud_nomi}} га

Фуқаро {{arizachi-fish}}дан

Манзили: {{javobgar_manzil}}

Тел: {{telefon}}

Ш И К О Я Т А Р И З А

(QKSH {{jarima-raqami}}-сонли кадастр органининг маъмурий жазо қўллаш тўғрисидаги қарорини бекор қилиш тўғрисида)

Ўзбекистон Республикаси Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси Қашқадарё вилояти бошқармаси ходими Ж.Тошимов томонидан менга яъни {{sana}} йилда QKSH {{jarima-raqami}}-сонли Маъмурий жазо қўллаш тўғрисидаги қарор расмийлаштирилиб, менга МЖтКнинг 74-моддаси 2-қисмига кўра {{summa}} сўм жарима жазоси қўлланилган.

Қуйидагиларга асосан мен мазкур қарор асоссиз ва адолатсиз қабул қилинган ва уни бекор қилиниши керак деб ҳисоблайман:

Биринчидан, Вазирлар Маҳкамасининг 15.07.2014 йилдаги “Коммунал хизматлар кўрсатиш қоидаларини тасдиқлаш тўғрисида”ги 194-сон Қарорининг 2-иловаси 49-бандига кўра ичимлик суви таъминоти ва канализация тизимларига (юридик ва жисмоний шахслар томонидан) ўзбошимчалик билан уланиш ҳолатлари аниқланган тақдирда ИСКХ ташкилоти томонидан бу ҳақда икки нусхада далолатнома тузилади ва бир нусхаси ўзбошимчалик билан уланиб олган субъектга топширилади.

Истеъмолчи далолатномани имзолашдан бош тортган тақдирда далолатномага бу ҳақда тегишли ёзув киритилади. Бош тортиш икки нафар гувоҳ ёки фуқароларнинг ўзини ўзи бошқариш органи вакили томонидан тасдиқланиши лозим.

Бунда истеъмолчи далолатномада унинг мазмуни бўйича тушунтириш ва эътирозларни, шунингдек, имзолашдан бош тортиш сабабларини баён этиш ҳуқуқига эгалиги белгиланган.

Ушбу ҳужжатда белгиланган тартиб умуман бажарилмаган, иштирокимда далолатнома расмийлаштирилмаган ва менга унинг нусҳаси тақдим этилмаган.

Бундан кўринадики сув таъминоти ходимлари томонидан қонун талабларига зид равишда ҳужжат расмийлаштирилган.

Иккинчидан, маъмурий ҳуқуқбузарлик ҳақидаги иш кўриб чиқилмасдан, асоссиз расмийлаштирилган далолатномага асосан қарор қабул қилинган.

Ваҳолангки, МЖтКнинг 303-моддасига асосан Маъмурий ҳуқуқбузарлик тўғрисидаги ишни кўриб чиқишга тайёрлаш вақтида тегишли орган (мансабдор шахс):

1) мазкур ишни кўриб чиқиш ўзининг ваколат доирасига кириш кирмаслиги;

2) маъмурий ҳуқуқбузарлик тўғрисидаги баённома ва ишга оид бошқа материаллар тўғри тузилган-тузилмаганлиги;

3) ишни кўриб чиқишда қатнашувчи шахслар уни кўриб чиқиш вақти ва жойи ҳақида хабардор қилинган-қилинмаганлиги;

4) зарур қўшимча материаллар сўраб олинган-олинмаганлиги;

5) маъмурий жавобгарликка тортилаётган шахс, жабрланувчи, қонуний вакиллар, адвокат қилган илтимослар тўғрисидаги масалаларни ҳал этилиш белгиланган.

Шунингдек, МЖтКнинг 307-моддасига кўра маъмурий ҳуқуқбузарлик тўғрисидаги ишни кўриб чиқиш вақтида тегишли орган (мансабдор шахс): маъмурий ҳуқуқбузарлик содир этилган-этилмаганлигини, ҳуқуқбузарлик содир этилган вақт ва жойни, мазкур шахс уни содир этишда айбдор-айбдор эмаслигини, унинг маъмурий жавобгарликка тортилиш-тортилмаслигини, жавобгарликни енгиллаштирувчи ёки оғирлаштирувчи ҳолатлар бор-йўқлигини, мулкий зарар етказилган-етказилмаганлигини, шунингдек ишни тўғри ҳал этишда аҳамиятга молик бошқа ҳолатларни аниқлаши шарт.

Бундан кўринадики ҳуқуқбузарлик содир этилган ёки содир этилмаганлик ҳолати ўрганилмасдан ва иш кўрилмасдан тўғридан тўғри қарор қабул қилинганлиги қонун ҳужжатларининг қўпол бузилиши ҳисобланади.

Шунингдек, МЖтКнинг 33-моддасига асосан суд маъмурий жазо чорасини қўллаётганда жавобгарликни енгиллаштирувчи ҳолатларни ва ҳуқуқбузарнинг моддий аҳволини инобатга олган ҳолда сабаблар ва асосларни албатта кўрсатиб, ушбу Кодекснинг Махсус қисмидаги моддаларнинг санкциясида назарда тутилган энг кам жазодан ҳам камроқ жазо ёки ушбу моддада назарда тутилмаган бошқа янада енгил жазо чорасини қўллаши мумкинлиги белгиланган.

Юқоридиги ҳолатлардан аниқ бўлдики менга маъмурий жазо қўллаш тўғрисидаги қарор қонун талабларига зид равишда расмийлаштирилган ва уни МЖтКнинг 271-моддасига асосан иш юритишдан тугатиш мақсадга мувофиқдир.

Ўзбекистон Республикаси МЖтКнинг 321-моддасига асосан, Сиздан

С Ў Р А Й М А Н:

1.Ўзбекистон Республикаси Вазирлар Маҳкамаси ҳузуридаги Қурилиш ва уй-жой коммунал хўжалиги соҳасида назорат қилиш инспекцияси Қашқадарё вилояти бошқармаси ходими Ж.Тошимов томонидан менга яъни Жонузоқов Аҳрор Абдимуратовичга қўлланилган {{sana}} йил QKSH {{jarima-raqami}}-сонли маъмурий жазо қўллаш тўғрисидаги қарорини бекор қилиб, ишни МЖтКнинг 271-моддасига асосан тугатишингизни ёки 33-моддасига асосан жаримани камайтириб беришингизни;

Илова:

Қарор нусҳаси

Паспорт нусҳа

Фуқаро

___________________ 2026 йил

Suv jarimasini bekor qilish